سولف سواليفك بها ريحة الهيل

سولف سواليفك بها ريحة الهيل
عطر بها كل الأحاسيس فيني
سولف حبيبي..بــ..اسمعك لآخر الليل
وانعس على صوتٍ يداعب حنيني
أشتاق لك وانته معي صوت بالحيل
واشتاق لك...وانته خيالٍ بعيني
يلوح لي طيفك..بروق وهماليل
واتخيّلك..مابين رمشي وبيني
نعم أحبك..واختصرت التفاصيل
بـ..أربع حروفٍ ..صادقه تحتويني
كل حرف شال من الغلا كثر مااشيل
صدق..ووفا..واخلاص لآخر سنيني
سولف علي..ودي أغيض الفناجيل
واقول..هذا الهيل مني..وفيني